شاداب خان کو امپائر کے فیصلے پر ناراضی کا مظاہرہ کرنا مہنگا پڑ گیا
ابوظہبی ٹی 10 لیگ میں پاکستانی آل راؤنڈر شاداب خان کو امپائر کے فیصلے پر ناراضی ظاہر کرنے پر میچ فیس کا 5 فیصد جرمانہ عائد کیا گیا ہے۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
ابوظہبی ٹی 10 لیگ کے 15ویں میچ میں پاکستانی آل راؤنڈر شاداب خان کو امپائر کے فیصلے پر ناراضی ظاہر کرنے پر میچ فیس کا پانچ فیصد جرمانہ عائد کیا گیا ہے۔ یہ میچ جمعہ کے روز شیخ زاید کرکٹ اسٹیڈیم میں یو اے ای بلز اور عربین ایسز کے درمیان کھیلا گیا، جس میں شاداب نے 14 گیندوں پر 22 رنز بنائے تاہم ان کی ٹیم کو 8 رنز سے شکست کا سامنا کرنا پڑا۔
واقعے کے مطابق شاداب خان امپائر کے ایک فیصلے سے ناخوش دکھائی دیے۔ ان کا خیال تھا کہ باؤنسر کو وائیڈ قرار دیا جانا چاہیے تھا، لیکن امپائر نے ایسا نہیں کیا۔ اس پر برہمی کا اظہار کرتے ہوئے پاکستانی کھلاڑی نے اپنا بیٹ زمین پر دے مارا، جسے امپائر کے فیصلے سے اختلاف اور ضابطہ اخلاق کی خلاف ورزی قرار دیا گیا۔
ابوظہبی ٹی 10 لیگ انتظامیہ کے مطابق شاداب خان ضابطہ اخلاق کے لیول ون کے آرٹیکل 2.8 کی خلاف ورزی کے مرتکب پائے گئے، جو میچ کے دوران امپائر کے فیصلے پر ناراضی ظاہر کرنے سے متعلق ہے۔
شاداب خان نے اپنی غلطی تسلیم کرتے ہوئے میچ ریفری کی جانب سے عائد کردہ سزا قبول کرلی ہے۔
واضح رہے کہ اس میچ میں یو اے ای بلز کو عربین ایسز کے ہاتھوں 8 رنز کی شکست کا سامنا کرنا پڑا، جس کے بعد دفاعی چیمپئن یو اے ای بلز پوائنٹس ٹیبل پر پانچویں نمبر پر موجود ہے۔
اب تک کی کہانی ابوظبی
- زیلنسکی کا انکشاف: ابوظہبی مذاکرات میں امریکا نے نیٹو رکنیت کے بدلے دونباس سے پسپائی کی تجویز دی
- امریکا کی یورپ کے دفاعی نظام میں روس کو شامل کرنے کی تجویز، یورپی ممالک میں تحفظات
- روس یوکرین جنگ کے خاتمے کے لیے امن معاہدہ قریب؟ مذاکرات کار کا بڑا بیان
- متحدہ عرب امارات میں قومی جینومکس پالیسی منظور، نومولود بچوں کی جینیاتی اسکریننگ ہوگی










