ٹرمپ کی ایران کے خلاف ممکنہ فوجی کارروائی کے منصوبوں پر غور شروع
امریکی صدر ڈونلڈ ٹرمپ نے ایران کے خلاف ممکنہ فوجی کارروائی کے منصوبوں پر غور شروع کر دیا ہے، جبکہ پینٹاگون اور انٹیلی جنس اداروں کو ہدایت دی گئی ہے کہ ایران کے ممکنہ جوابی اقدامات کا تفصیلی جائزہ تیار کیا جائے۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
امریکی صدر ڈونلڈ ٹرمپ نے ایران کے خلاف ممکنہ فوجی کارروائی سے متعلق مختلف منصوبوں پر غور شروع کر دیا ہے۔ اطلاعات کے مطابق وائٹ ہاؤس نے محکمہ دفاع اور امریکی انٹیلی جنس اداروں کو ہدایت دی ہے کہ وہ کسی بھی ممکنہ حملے کے جواب میں ایران کی حکمت عملی کا تفصیلی جائزہ تیار کریں۔
امریکی ویب سائٹ ایکسیوس کے مطابق دو باخبر ذرائع نے بتایا کہ امریکی سینٹرل کمانڈ پہلے ہی ایران کے خلاف فوجی کارروائی کے مختلف منصوبے تیار کر چکی ہے۔ امریکی انتظامیہ کے سامنے ایک اہم سوال یہ ہے کہ آیا ایسا کوئی فوجی آپریشن ممکن ہے جس کے نتیجے میں ایران خلیجی ممالک کی تیل اور گیس کی تنصیبات پر بڑے پیمانے پر حملے نہ کرے۔
امریکی حکام کو خدشہ ہے کہ جوابی کارروائی میں ایران خطے میں توانائی کے بنیادی ڈھانچے کو نشانہ بنا سکتا ہے، جس سے نہ صرف عالمی تیل اور گیس کی فراہمی متاثر ہو سکتی ہے بلکہ قیمتوں میں بھی اضافہ ہو سکتا ہے۔ اس صورتحال کو عالمی منڈیوں کے لیے ایک بڑا خطرہ قرار دیا جا رہا ہے۔
ادھر اسرائیلی وزیراعظم بن یامین نیتن یاہو بھی امریکا کو ایران کے خلاف دوبارہ مشترکہ فوجی کارروائی پر آمادہ کرنے کی کوشش کر رہے ہیں۔ اطلاعات کے مطابق انہوں نے موساد کے سربراہ کو منصوبہ تیار کرنے کی ہدایت دی اور انہیں امریکا بھیجا تاکہ واشنگٹن کو بھی اس حوالے سے قائل کیا جا سکے۔
دوسری جانب قطر اور پاکستان کی سفارتی کوششیں امریکا اور ایران کے درمیان بالواسطہ مذاکرات کی بحالی کے لیے جاری ہیں۔ مبصرین کے مطابق خطے میں کشیدگی کم کرنے کے لیے سفارتی راستہ اب بھی کھلا ہے اور مذاکرات کی بحالی سے صورتحال کو قابو میں رکھا جا سکتا ہے۔
واضح رہے کہ ایران کے ساتھ کشیدگی کے دوران اسرائیلی وزیراعظم کو حالیہ انتخابات میں اکثریت سے محروم ہونا پڑا، جبکہ امریکی وسط مدتی انتخابات میں صدر ٹرمپ کو شکست کا سامنا رہا اور آئندہ دو سال کے لیے انہیں بڑے فیصلے کرنے میں محدود پوزیشن حاصل ہے۔ اس پس منظر میں ایران سے متعلق فیصلوں کے اثرات علاقائی اور عالمی سیاست پر نمایاں ہو سکتے ہیں۔
اب تک کی کہانی پینٹاگون
- امریکی وزیر دفاع پیٹ ہیگسیتھ کے خلاف مواخذے کی قرارداد کانگریس میں پیش، بدھ کو ووٹنگ متوقع
- امریکی وزیر دفاع پیٹ ہیگسیتھ نے استعفیٰ دینے سے انکار کردیا، مواخذے کی کوششوں کا مقابلہ کرنے کا عزم










