around.pk
Friday, 20 November 2026
⛅ کراچی 30°☀ لاہور 23°⛅ اسلام آباد 20°
پاکستان

پشاور پولیس کا آپریشن اسٹریٹ فائٹ: چار مقابلوں میں تین ڈاکو ہلاک، ایک زخمی

پشاور پولیس نے اسٹریٹ کرمنلز کے خلاف آپریشن اسٹریٹ فائٹ کا آغاز کر دیا، جس کے تحت چار پولیس مقابلوں میں تین خطرناک ڈاکو ہلاک اور ایک زخمی حالت میں گرفتار ہوا۔

around.pk·2m ago

پشاور پولیس نے اسٹریٹ کرمنلز کے خلاف "آپریشن اسٹریٹ فائٹ" کا آغاز کر دیا ہے۔ اس آپریشن کے پہلے دن تھانہ پھندو، تھانہ فقیر آباد، تھانہ پہاڑی پورہ اور تھانہ پشتخرہ کی حدود میں پولیس مقابلوں میں تین خطرناک ڈاکو ہلاک اور ایک زخمی حالت میں گرفتار ہو گیا۔

پولیس کے مطابق ہلاک ڈاکوؤں میں ناصر عرف گڑہ ولد مشتاق سکنہ پھندو، زاہد ولد شیر خان سکنہ چارسدہ حال لعل دین کالونی اور نعیم ولد شاکر سکنہ ہزار خوانی شامل ہیں، جبکہ عبد الرحمن ولد تاج محمد سکنہ یوسف آباد کو زخمی حالت میں گرفتار کر لیا گیا۔ یہ ملزمان خونی رہزنی، ڈکیتی، سرکاری ملازم کو لوٹنے کے دوران مزاحمت پر فائرنگ، قتل، اقدام قتل، پولیس پر حملوں، آئس فروشی اور دیگر سنگین جرائم میں مطلوب تھے۔

پولیس مقابلوں کے دوران ملزمان سے اسلحہ اور مسروقہ موبائل فونز بھی برآمد ہوئے۔ فقیر آباد کے مقابلے میں پولیس اہلکار کی بلٹ پروف جیکٹ اور سرکاری پولیس موبائل پک اپ کو گولیاں لگیں، تاہم پولیس اہلکار محفوظ رہے۔

پولیس کے مطابق کچھ ملزمان رات کی تاریکی کا فائدہ اٹھا کر فرار ہونے میں کامیاب ہو گئے، جن کی گرفتاری کے لیے کوششیں جاری ہیں۔

یہ آپریشن پشاور میں بڑھتی ہوئی اسٹریٹ کرائم کے پیش نظر شروع کیا گیا ہے، جس کا مقصد شہریوں کی جان و مال کا تحفظ یقینی بنانا ہے۔

اب تک کی کہانی پشاور

  1. خیبرپختونخوا میں 49 لاکھ سے زائد بچے اسکول سے باہر، پشاور ہائی کورٹ میں درخواست دائر
  2. پشاور کے طبی ماہرین کی ملیریا اور برن سرجری سے متعلق دو تحقیقات بین الاقوامی جرائد میں شائع
  3. خیبر پختونخوا ادویات اسکینڈل: ملزم کامران انجم کی 99 کروڑ روپے کی پلی بارگین درخواست
  4. مولانا فضل الرحمان کی سیکیورٹی واپس لینے کے بعد پشاور منتقلی
پوری ٹائم لائن دیکھیں →
پشاورتھانہ فقیر آبادآپریشن اسٹریٹ فائٹتھانہ پہاڑی پورہتھانہ پھندوتھانہ پشتخرہ

اسی موضوع پر مزید

سب دیکھیں →

مزید پڑھیں