اسرائیل کا خدشہ: ایران پیشگی ’سرپرائز‘ حملے کی تیاری میں مصروف
اسرائیلی دفاعی حلقوں نے امکان ظاہر کیا ہے کہ ایران ممکنہ مشترکہ فوجی کارروائی سے قبل اسرائیل پر اچانک پیشگی حملہ کر سکتا ہے، جبکہ امریکہ اور اسرائیل کے درمیان مشترکہ فوجی منصوبہ بندی جاری ہے۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
اسرائیلی سیکیورٹی حکام نے خبردار کیا ہے کہ ایران ممکنہ امریکی اور اسرائیلی مشترکہ فوجی کارروائی سے پہلے ہی اسرائیل پر اچانک حملہ کر سکتا ہے۔ اسرائیلی خبر رساں ویب سائٹ ینیٹ کی رپورٹ کے مطابق دفاعی حلقوں میں اس امکان کا جائزہ لیا جا رہا ہے کہ تہران مستقبل کی جنگ کو ناگزیر سمجھتے ہوئے خود پہل کرنے کا فیصلہ کر سکتا ہے۔
رپورٹ کے مطابق زیرِ غور اہم منظرنامہ ایران کی جانب سے جوابی کارروائی کے بجائے پیشگی حملے کا ہے، جس کا مقصد اسرائیل کو حیران کرنا ہو سکتا ہے۔ اسرائیلی حکام کے مطابق ایران ماضی میں اسرائیلی فوجی کارروائیوں کے دوران دو مرتبہ غیر متوقع صورت حال کا سامنا کر چکا ہے، اسی تجربے کی بنیاد پر تہران اس بار پہل کرنے کے آپشن پر غور کر سکتا ہے۔
اسرائیل کو یہ خدشہ بھی لاحق ہے کہ اگر ایرانی قیادت اس نتیجے پر پہنچ جائے کہ امریکہ اور اسرائیل کی مشترکہ فوجی کارروائی کا فیصلہ ہو چکا ہے تو وہ انتظار کرنے کے بجائے قبل از وقت حملے کا راستہ اختیار کر سکتی ہے۔
دوسری جانب ایران کے خلاف ممکنہ نئی فوجی کارروائی کے حوالے سے امریکہ اور اسرائیل کے درمیان رابطے جاری ہیں۔ اسرائیلی میڈیا رپورٹس کے مطابق دونوں ممالک ممکنہ کشیدگی سے نمٹنے کے لیے مشترکہ فوجی منصوبہ بندی کر رہے ہیں، تاہم ابھی تک اس حوالے سے کوئی حتمی اعلان سامنے نہیں آیا۔
واضح رہے کہ ایران کی جانب سے کسی نئے حملے کے فوری منصوبے کی باضابطہ تصدیق نہیں ہوئی اور نہ ہی امریکہ نے ایران کے خلاف نئی فوجی کارروائی کا کوئی حتمی اعلان کیا ہے۔ خطے میں بڑھتی ہوئی کشیدگی کے تناظر میں اسرائیلی دفاعی ادارے مختلف ممکنہ صورت حال کا جائزہ لے رہے ہیں، جبکہ کسی بھی نئے فوجی تصادم کے خدشات برقرار ہیں۔
اسی پس منظر میں امریکہ نے اپنے شہریوں کو بحرین کے سفر سے روک دیا ہے، جہاں ایران اور حوثیوں کے حملوں کا خدشہ ظاہر کیا گیا ہے۔ ادھر قطر اور جرمنی نے ایران سے حوثی گروہ کی حمایت ختم کرنے کا مطالبہ کیا ہے، جس سے خطے کی صورتحال مزید پیچیدہ ہوتی جا رہی ہے۔
اب تک کی کہانی حوثی
- وزیراعظم شہباز شریف کا ریاض میں حوثی حملے کی مذمت اور سعودی عرب سے یکجہتی کا اعلان
- سعودی فضائی دفاع نے ریاض کی جانب داغے گئے تین بیلسٹک میزائل تباہ کر دیے
- یمن میں الحدیدہ بندرگاہ پر اتحادی افواج کا حملہ، حوثیوں کی سعودی فضائی حدود سے گزرنے والی پروازوں کو انتباہ
- پاکستان کا ریاض میں کنگ عبداللہ فنانشل ڈسٹرکٹ پر حوثی حملے کی شدید مذمت کا اعلان










