’زندگی دھوپ، تم گھنا سایا،‘ عروہ حسین کا فرحان سعید کیلئے محبت بھرا پیغام
خوبرو اداکارہ عروہ حسین نے شوہر، اداکار و گلوکار فرحان سعید کی سالگرہ کے موقع پر نئی تصویریں شیئر کی ہیں۔
ایک وقت تھا کہ جب شوبز انڈسٹری کی اس خوبصورت ترین جوڑی کے مداح اِنہیں ایک ساتھ دیکھنے اور اِن کے پھر سے اکھٹے ہو جانے کی خبر کے لیے ترستے تھے۔
اب یہ دونوں فنکار ایک دوسرے کے ساتھ نت نئی خوبصورت تصویریں شیئر کر کے مداحوں کو خوش کرتے رہتے ہیں۔
Also Read
اداکارہ عروہ نے فرحان سعید کی سالگرہ پر ان کے ہمراہ تصویریں شیئر کی ہیں جن میں دونوں نے سیاہ رنگ کے لباس زیب تن کیے ہوئے ہیں۔
ان تصویروں کے کیپشن میں اداکارہ کا شوہر سے بے پناہ محبت کا اظہار کرتے ہوئے لکھنا ہے کہ ’زندگی دھوپ، تم گھنا سایا۔‘
عروہ حسین نے اپنی اس پوسٹ کے کیپشن میں مزید لکھا ہے کہ ’ آپ کی صحبت اور محبت کے لیے شکرگزار ہونے کے لیے میرے پاس ان سے بہتر الفاظ نہیں ہیں، آپ میرے لیے سب سے حیرت انگیز اور سب سے زیادہ خوبصورت انسان ہیں ! آپ کو سالگرہ مبارک فرحان سعید، میں تم سے پیار کرتی ہوں۔‘