کوئٹہ میں سماعت سے محروم بچوں کے لیے جدید مرکز کا افتتاح
کوئٹہ میں خصوصی بچوں کے لیے پہلا ڈیف چلڈرن ایکسی لینس اینڈ ریسرچ سینٹر قائم کر دیا گیا، جہاں پرائمری سے ثانوی تعلیم کے ساتھ فنی تربیت بھی فراہم کی جائے گی۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
کوئٹہ میں سماعت سے محروم بچوں کے لیے پہلا ڈیف چلڈرن ایکسی لینس اینڈ ریسرچ سینٹر قائم کیا گیا ہے جس کا افتتاح وفاقی وزیر ثقافت اورنگزیب نے کیا۔ یہ ادارہ وفاقی اور صوبائی حکومتوں کے تعاون سے قائم کیا گیا ہے۔
اس مرکز میں تقریباً 350 بچے اور بچیاں زیرِ تعلیم ہیں جنہیں پرائمری سے لے کر ثانوی سطح تک تعلیم دی جا رہی ہے۔ اس کے علاوہ جدید فنی تربیت بھی فراہم کی جا رہی ہے تاکہ بچے خود کفیل بن سکیں۔
ادارے میں خصوصی طور پر بچیوں کو سلائی اور کڑھائی جیسے ہنر بھی سکھائے جا رہے ہیں تاکہ وہ مستقبل میں اپنے پیروں پر کھڑی ہو سکیں۔
حکام نے اس ادارے کے قیام کو بلوچستان میں خصوصی بچوں کی تعلیم، ہنرمندی اور فلاح و بہبود کے شعبے میں ایک اہم پیشرفت قرار دیا ہے۔
