کراچی میں اغواء برائے تاوان میں ملوث دو افراد گرفتار

پولیس کے مطابق، خفیہ اطلاع پر کراچی کے علاقے گلشنِ اقبال بلاک 13 ڈی ٹو میں ایک مکان پر چھاپہ مارا گیا۔ اس کارروائی کے دوران اغواء برائے تاوان میں ملوث دو ملزمان کو گرفتار کیا گیا اور مغوی کو بحفاظت بازیاب کرالیا گیا۔

پولیس نے بتایا کہ گرفتار ملزمان کی شناخت غیاث الدین عرف فیصل ولد عبدالرشید اور عمران ولد عبدالرشید کے ناموں سے ہوئی ہے۔

پولیس کا کہنا ہے کہ ملزمان نے ایک شہری کو اغواء کر کے اسے تشدد کا نشانہ بنایا اور اس کے اہلخانہ سے تاوان کا مطالبہ بھی کیا۔

اس واقعے کا مقدمہ الزام نمبر 627/2026 بجرم دفعہ 365 اے، 337 اے (ون) اور 34 تعزیرات پاکستان کے تحت تھانہ گلشنِ اقبال میں درج کیا گیا ہے۔

پولیس نے مزید بتایا کہ گرفتار ملزمان سے تفتیش جاری ہے اور دیگر ملوث افراد کی گرفتاری کے لیے بھی کارروائیاں کی جا رہی ہیں۔