پاکستان کی 67.5 فیصد آبادی میٹرک سے کم تعلیم یافتہ، سرکاری اعداد و شمار
سرکاری تخمینوں کے مطابق ملک کی کل آبادی کا 67.5 فیصد حصہ اب بھی میٹرک سے کم تعلیم یافتہ ہے، جبکہ میٹرک پاس افراد کا تناسب تقریباً 15 فیصد، انٹرمیڈیٹ 8 فیصد اور گریجویٹس صرف 6 فیصد ہیں۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
پاکستان میں تعلیمی قابلیت کے حوالے سے سرکاری تخمینے ایک تشویش ناک تصویر پیش کرتے ہیں، جن کے مطابق ملک کی مجموعی آبادی کا 67.5 فیصد حصہ اب بھی میٹرک سے کم تعلیم یافتہ ہے۔ یہ اعداد و شمار بتاتے ہیں کہ ملک کی بڑی اکثریت بنیادی ثانوی تعلیم بھی مکمل نہیں کر پاتی، جو طویل المدتی ترقی کے لیے ایک سنگین چیلنج ہے۔
رپورٹ کے مطابق مجموعی آبادی میں میٹرک پاس افراد کا تناسب تقریباً 15 سے 16 فیصد ہے، جبکہ میٹرک کی سطح پر خالص اندراج کی شرح صرف 30 فیصد ریکارڈ کی گئی ہے۔ اس کا مطلب ہے کہ اسکول جانے کی عمر کے بچوں کی ایک بڑی تعداد تعلیمی نظام سے باہر رہ جاتی ہے یا درمیان میں تعلیم چھوڑ دیتی ہے۔ اس وقت ملک بھر کے ہائی اسکولوں میں زیرِ تعلیم طلبہ کی تعداد تقریباً 58 لاکھ بتائی جاتی ہے۔
انٹرمیڈیٹ کی سطح پر بھی صورتحال کم حوصلہ افزا نہیں۔ انٹر کالجز اور ہائر سیکنڈری اسکولوں میں تقریباً 31.7 لاکھ طلبہ زیرِ تعلیم ہیں، جبکہ کل آبادی میں انٹرمیڈیٹ مکمل کرنے والے افراد کا حصہ تقریباً 8 سے 9 فیصد بنتا ہے۔ اعلیٰ تعلیم کی بات کی جائے تو ڈگری کالجز میں تقریباً 9.4 لاکھ طلبہ زیرِ تعلیم ہیں، جبکہ ملک کی جامعات میں مجموعی طور پر تقریباً 20 لاکھ طلبہ رجسٹرڈ ہیں۔
مجموعی آبادی کے تناسب سے دیکھا جائے تو بی اے، بی ایس یا اس سے اعلیٰ ڈگری رکھنے والے افراد کی شرح محض 6 سے 7 فیصد ہے۔ یہ اعداد و شمار ظاہر کرتے ہیں کہ اعلیٰ تعلیم تک رسائی اب بھی ملک کی ایک محدود اقلیت تک ہی محدود ہے، جس کے معاشی اور سماجی اثرات نمایاں ہیں۔
صوبائی سطح پر بھی تعلیمی قابلیت میں واضح تفاوت دیکھنے کو ملتا ہے۔ پنجاب میں گریجویشن کی شرح 4.72 فیصد بتائی جاتی ہے، جس میں خواتین کا تناسب 5.43 فیصد اور مردوں کا 4.15 فیصد ہے، جبکہ ماسٹرز اور اس سے اعلیٰ ڈگری رکھنے والوں کی شرح 2.58 فیصد ہے۔ خیبر پختونخوا میں گریجویٹس یعنی بی اے، بی ایس یا ماسٹرز رکھنے والوں کا تناسب تقریباً 4 فیصد، سندھ میں 5.5 فیصد اور بلوچستان میں صرف 2.5 فیصد ہے۔
یہ اعداد و شمار اس امر کی نشاندہی کرتے ہیں کہ تعلیمی نظام میں اندراج، برقراری اور معیار کے ساتھ ساتھ صوبائی عدم مساوات بھی اہم پالیسی مسائل ہیں۔ ماہرین تعلیم کے مطابق میٹرک سے کم تعلیم یافتہ آبادی کا اتنا بڑا حصہ مہارت، پیداواریت اور معاشی ترقی کو محدود کرنے کے ساتھ ساتھ سماجی ترقی کی رفتار کو بھی سست کرتا ہے۔
اب تک کی کہانی بلوچستان
- مکران کوسٹل ہائی وے پر بس اور گیس باوزر کا تصادم، خاتون اور بچوں سمیت 5 افراد جاں بحق
- عوام کا نئے انتظامی یونٹس کے قیام کی حمایت کا مطالبہ
- فیلڈ مارشل عاصم منیر کا تربت دورہ، بلوچستان میں امن و ترقی کے عزم کا اعادہ
- بولان میں ریلوے ٹریک کو دھماکا خیز مواد سے اڑا دیا گیا، سیکیورٹی فورسز نے علاقے کی ناکہ بندی شروع کر دی








