around.pk
Friday, 20 November 2026
☀ کراچی 30°☀ لاہور 23°☀ اسلام آباد 20°
پاکستان

بلوچستان کے نوجوانوں کے لیے وفاقی محکموں میں بھرتیوں کا خصوصی مشن شروع

وزیراعظم اور فیلڈ مارشل کی خصوصی دلچسپی سے بلوچستان کے بے روزگار نوجوانوں کو وفاقی محکموں میں مرحلہ وار روزگار دینے کا عمل شروع کر دیا گیا ہے، جس کے تحت 13 وزارتوں کے 100 سے زائد محکموں میں بھرتیاں کی جائیں گی۔

around.pk·2m ago

بلوچستان کے بے روزگار نوجوانوں کو روزگار کی فراہمی کے لیے ایک خصوصی مشن کا آغاز کر دیا گیا ہے، جس کے تحت وفاقی محکموں میں بھرتیوں کا باقاعدہ عمل شروع ہو چکا ہے۔ ذرائع کے مطابق یہ اقدام وزیراعظم اور فیلڈ مارشل کی خصوصی دلچسپی اور کاوشوں کا نتیجہ ہے، جس کا مقصد صوبے کے نوجوانوں کو وفاقی سطح پر ملازمتوں کے مواقع فراہم کرنا ہے۔

اس مشن کے تحت 13 وفاقی وزارتوں کے ماتحت 100 سے زائد محکموں میں بھرتیاں کی جائیں گی۔ منصوبے کے مطابق بلوچستان کے لیے مجموعی طور پر پانچ ہزار ملازمتوں کی فراہمی کا ہدف مقرر کیا گیا ہے، جبکہ نوجوانوں کو مرحلہ وار طریقے سے روزگار دیا جائے گا تاکہ عمل کو منظم اور مؤثر بنایا جا سکے۔

بھرتیوں کے عمل کو شفاف اور میرٹ پر مبنی بنانے کے لیے متعلقہ حکام کو خصوصی ہدایات جاری کی گئی ہیں۔ اس سلسلے میں بتایا گیا ہے کہ صوبے میں بھرتیوں کی نگرانی 100 سے زائد وفاقی کمیٹی ممبران سمیت متعلقہ حکام کریں گے، جو تمام اضلاع میں باقاعدہ پہنچ کر میرٹ کو یقینی بنائیں گے اور بھرتی کے عمل میں بھی حصہ لیں گے۔

کمیٹی کی تشکیل میں سیکرٹری اور فیڈرل سیکرٹری شامل ہیں، جو دورانِ بھرتی شفافیت اور قابلیت کی جانچ کو یقینی بنانے کے لیے میدان میں موجود رہیں گے۔ اس انتظام کا مقصد یہ یقینی بنانا ہے کہ تمام آسامیوں پر تقرریاں خالصتاً قابلیت کی بنیاد پر ہوں اور کسی قسم کی بے ضابطگی کو روکا جا سکے۔

وفاقی وزارتوں اور متعلقہ محکموں میں ہزاروں ملازمتوں کے مواقع پیدا ہونے پر بلوچستان کے نوجوانوں میں خوشی کی لہر دوڑ گئی ہے۔ نوجوان طبقے نے اس اقدام کو صوبے کی معاشی ترقی اور روزگار کے بحران میں کمی کے لیے ایک مثبت پیش رفت قرار دیا ہے۔

یاد رہے کہ بلوچستان میں بے روزگاری طویل عرصے سے ایک اہم چیلنج رہی ہے، اور وفاقی سطح پر ملازمتوں کے اس منصوبے کو صوبے کے نوجوانوں کی صلاحیتوں کو ملک کی ترقی میں بروئے کار لانے کی کوشش کے طور پر دیکھا جا رہا ہے۔ متعلقہ حکام کے مطابق بھرتیوں کا عمل مقررہ شیڈول کے مطابق مرحلہ وار آگے بڑھے گا۔

اب تک کی کہانی وزیراعظم

  1. خیبرپختونخوا میں ایل پی جی کی قیمتوں میں اضافہ، فی کلو 700 روپے تک فروخت
  2. دیوالی امن، رواداری اور باہمی احترام کا پیغام دیتی ہے: شہباز شریف
  3. ایل پی جی کی شفاف نیلامی کا نیا نظام متعارف، 90 فیصد نجی کمپنیوں کو دیا جائے گا
  4. خیبرپختونخوا کو وفاق سے 160 ارب روپے کا پیکج مل گیا، گورنر فیصل کریم کنڈی
پوری ٹائم لائن دیکھیں →
بلوچستانوزیراعظموفاقی کمیٹیوفاقی وزارتیںفیلڈ مارشل

اسی موضوع پر مزید

سب دیکھیں →

مزید پڑھیں