around.pk
Saturday, 21 November 2026
☀ کراچی 28°⛅ لاہور 21°⛅ اسلام آباد 19°
پاکستان

بلوچستان کے نوجوانوں کے لیے وفاقی محکموں میں بھرتیوں کا عمل شروع

بلوچستان کے نوجوانوں نے وفاقی محکموں میں ملازمتوں کے مواقع فراہم کرنے پر وفاقی و صوبائی حکومت اور عسکری قیادت کا شکریہ ادا کیا ہے، جبکہ نئی آسامیوں میں صوبے کو مناسب نمائندگی دینے کی امید ظاہر کی گئی ہے۔

around.pk·23m ago

بلوچستان کے نوجوانوں کے لیے روزگار کے مواقع بڑھانے کی غرض سے وفاقی حکومت اور عسکری قیادت کی کاوشیں جاری ہیں، اور وفاقی محکموں میں بھرتیوں کا عمل شروع ہو چکا ہے۔ صوبے سے تعلق رکھنے والے نوجوانوں نے اس پیش رفت کو ایک احسن اقدام قرار دیتے ہوئے خوشی کا اظہار کیا ہے۔

نوجوانوں کا کہنا ہے کہ وفاقی محکموں میں بھرتیوں کے آغاز سے بلوچستان کے عوام کو ان کے حقوق کی فراہمی میں مدد ملے گی۔ انہوں نے وزیراعظم، وزیراعلیٰ بلوچستان اور عسکری قیادت کی کوششوں کو سراہتے ہوئے کہا کہ اس سے صوبے کے نوجوانوں میں روزگار کے نئے امکانات روشن ہوں گے۔

بلوچ نوجوانوں کے مطابق وفاقی محکموں میں ان کے لیے ملازمتوں کے مواقع پیدا کرنا خوش آئند ہے، اور وہ امید رکھتے ہیں کہ نئی آسامیوں میں بلوچستان کو اس کا جائز حق اور مناسب نمائندگی دی جائے گی۔ ان کا یہ بھی کہنا ہے کہ ماضی میں وفاقی ملازمتوں میں صوبے کے اضلاع کو نظرانداز کیا جاتا رہا، جس کی وجہ سے نوجوانوں میں مایوسی پائی جاتی تھی۔

نوجوانوں نے کہا کہ اب جب وفاقی محکموں میں بھرتیاں شروع ہوئی ہیں تو ان میں امید کی نئی کرن پیدا ہوئی ہے۔ انہوں نے بڑی تعداد میں ملازمتوں کے مواقع فراہم کرنے پر وفاقی و صوبائی حکومتوں اور عسکری قیادت کا شکریہ ادا کیا اور مطالبہ کیا کہ شفافیت کے ساتھ تمام اضلاع سے نوجوانوں کو یکساں مواقع فراہم کیے جائیں۔

اب تک کی کہانی وفاقی حکومت پاکستان

  1. قومی بچت اسکیموں پر منافع کی شرح میں تبدیلی، اسپیشل سیونگز سرٹیفکیٹ پر نئی شرحیں لاگو
  2. کفایت شعاری کے اقدامات بے اثر؛ حکومتی اخراجات میں 28 فیصد اضافہ، 206 ارب روپے سے تجاوز
  3. خیبرپختونخوا کی 26 سرکاری جامعات خسارے میں، وفاق سے 18 ارب روپے گرانٹ کا مطالبہ
پوری ٹائم لائن دیکھیں →
بلوچستانوزیراعظموفاقی حکومت پاکستانوزیراعلیٰ بلوچستانپاکستان مسلح افواج

اسی موضوع پر مزید

سب دیکھیں →

مزید پڑھیں