کراچی میں مختلف علاقوں میں ٹریفک حادثات، 4 افراد جاں بحق
کراچی کے علاقوں شرافی گوٹھ، شاہراہ فیصل، سائٹ ایریا اور ناردرن بائی پاس پر ٹریفک حادثات میں موٹر سائیکل سواروں سمیت 4 افراد جاں بحق ہوگئے۔ پولیس نے کئی واقعات میں گاڑیاں تحویل میں لے کر تحقیقات شروع کردی ہیں۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
کراچی کے مختلف علاقوں میں ٹریفک حادثات کے نتیجے میں موٹر سائیکل سواروں سمیت 4 افراد جاں بحق ہوگئے۔ یہ حادثات شرافی گوٹھ، شاہراہ فیصل، سائٹ ایریا اور ناردرن بائی پاس پر پیش آئے۔ جاں بحق ہونے والوں میں سے 3 افراد کی شناخت ہوگئی جبکہ ایک شخص کی شناخت نہیں ہوسکی۔
تفصیلات کے مطابق شرافی گوٹھ کے علاقے لانڈھی مانسہرہ کالونی کے قریب تیز رفتار مسافر کوچ کی ٹکر سے موٹر سائیکل سوار 25 سالہ طارق ولد انور جاں بحق ہوگیا۔ واقعے کی اطلاع ملنے پر پولیس موقع پر پہنچ گئی اور متوفی کی لاش ایمبولینس کے ذریعے جناح اسپتال منتقل کردی۔ ایس ایچ او عامر اعظم کے مطابق پولیس نے بلال کوچ کو تحویل میں لے کر ڈرائیور کی تلاش شروع کردی ہے۔ متوفی مانسہرہ کالونی کا رہائشی تھا جبکہ واقعے کی مزید تحقیقات جاری ہیں۔
شاہراہ فیصل پر کارساز کے قریب کار اور موٹر سائیکل کے درمیان تصادم کے نتیجے میں 25 سالہ حمزہ ولد کریم جاں بحق ہوگیا۔ پولیس نے لاش ایمبولینس کے ذریعے جناح اسپتال منتقل کردی۔ ابتدائی اطلاعات کے مطابق پولیس نے کار سوار شخص کو حراست میں لیا تھا تاہم اس حوالے سے پولیس کی جانب سے باضابطہ تصدیق سامنے نہیں آئی۔ پولیس واقعے کی مزید تفتیش کررہی ہے۔
اسی طرح سائٹ بی تھانے کی حدود میں سائٹ ایریا غنی چورنگی کے قریب نامعلوم گاڑی کی ٹکر سے موٹر سائیکل سوار 32 سالہ وجاہت بیگ جاں بحق ہوگیا۔ حادثے کے بعد راہ گیروں نے ریسکیو اور پولیس کو اطلاع دی، جس پر لاش ایمبولینس کے ذریعے جناح اسپتال منتقل کردی گئی۔ پولیس کے مطابق حادثے کی نوعیت اور نامعلوم گاڑی کے حوالے سے تفصیلات جمع کی جارہی ہیں۔
ناردرن بائی پاس پر دعا ہوٹل کے قریب نامعلوم گاڑی کی ٹکر سے ایک راہ گیر جاں بحق ہوگیا۔ حادثے کے بعد گاڑی کا ڈرائیور موقع سے فرار ہوگیا۔ ایدھی ایمبولینس کے ذریعے متوفی کی لاش عباسی شہید اسپتال منتقل کی گئی، جہاں تاحال اس کی شناخت نہیں ہوسکی۔ ہیڈ محرر سرجانی ساجد کے مطابق متوفی راہ گیر تھا جسے نامعلوم گاڑی نے ٹکر ماری۔ پولیس واقعے کے حوالے سے مزید تفتیش کررہی ہے۔
اب تک کی کہانی شارع فیصل
- کراچی میں پانی کی فراہمی معمول پر بحال، دھابیجی اور پپری کے تمام پمپس فعال
- سندھ ہائیکورٹ: غیر قانونی کال سینٹر کیس میں مفرور ملزم کو ایک ہفتے کی حفاظتی ضمانت
- اے ٹی ایم فراڈ میں ملوث ملزم عوام کے ہاتھوں گرفتار، تشدد کے بعد پولیس کے حوالے
- کراچی کے علاقے پاور ہاؤس چورنگی کے قریب اسکول وین حادثے کا شکار، متعدد بچے زخمی
