مکہ مشترکہ دفاعی معاہدہ: نئے اسلامی ممالک کی شمولیت پر غور، فیصلہ پاکستان، سعودی عرب اور ترکیہ کریں گے

وزیر دفاع خواجہ آصف نے کہا ہے کہ مکہ مشترکہ دفاعی معاہدے میں مزید اسلامی ممالک کو شامل کیے جانے کا امکان موجود ہے، تاہم کسی بھی ملک کی شمولیت کا فیصلہ پاکستان، سعودی عرب اور ترکیہ کی باہمی مشاورت سے ہوگا۔ اس وقت معاہدہ انہی تین ممالک کے درمیان ہے۔

ایک صحافی کے سوال کے جواب میں کہ آیا ایران معاہدے کا حصہ بن سکتا ہے، خواجہ آصف نے کہا کہ ایران خطے کا ایک اہم ملک ہے اور اس دفاعی معاہدے میں کسی بھی ملک کے خلاف کوئی ارادہ نہیں ہے۔

خواجہ آصف کے مطابق، جو بھی ملک اس معاہدے میں شامل ہوگا اس کا مقصد خطے میں امن کے قیام میں کردار ادا کرنا ہوگا۔

انہوں نے مزید بتایا کہ اس معاہدے کے تحت ایک سیکریٹریٹ قائم کیا جائے گا جو امکان ہے کہ اکتوبر کے اوائل میں فعال ہو جائے گا اور اس کے انتظامی و بیوروکریٹک ڈھانچے کو مکمل طور پر فعال بنانے میں دو سے چار ماہ لگ سکتے ہیں۔

وزیر دفاع نے کہا کہ کئی اسلامی ممالک اس معاہدے کا حصہ بننے میں دلچسپی رکھتے ہیں، تاہم کسی بھی ملک کی رکنیت کے بارے میں فیصلہ پاکستان، سعودی عرب اور ترکیہ باہمی مشاورت سے ہی کریں گے۔