چین میں ٹرمپ، شی جن پنگ اور پیوٹن کی ملاقات متوقع، نیویارک پوسٹ کا دعویٰ
امریکی جریدے نیویارک پوسٹ کی رپورٹ کے مطابق صدر ٹرمپ، شی جن پنگ اور پیوٹن جمعرات کو شینزن میں ملاقات کر سکتے ہیں جس میں جوہری ہتھیاروں، شمالی کوریا، یوکرین اور ایران پر بات چیت متوقع ہے۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
امریکی اخبار نیویارک پوسٹ نے دعویٰ کیا ہے کہ امریکی صدر ڈونلڈ ٹرمپ، چینی صدر شی جن پنگ اور روسی صدر ولادیمیر پیوٹن جمعرات کو چین کے شہر شینزن میں ملاقات کر سکتے ہیں۔ رپورٹ کے مطابق اس ملاقات میں جوہری ہتھیاروں کے کنٹرول، شمالی کوریا، یوکرین اور ایران سے متعلق امور پر تبادلہ خیال کیا جائے گا۔
تینوں عالمی رہنماؤں کی ممکنہ ملاقات کو دوسری جنگ عظیم کے بعد 1945 میں ہونے والی یالٹا کانفرنس سے تشبیہ دی جا رہی ہے، جس میں امریکی صدر فرینکلن روزویلٹ، برطانوی وزیراعظم ونسٹن چرچل اور سوویت رہنما جوزف اسٹالن نے یورپ کی نئی سرحدوں اور سیاسی انتظامات پر اتفاق کیا تھا۔
یوکرین کے صدر ولودومیر زیلنسکی نے بھی اس ممکنہ ملاقات پر تحفظات کا اظہار کرتے ہوئے اسے یالٹا کانفرنس سے تشبیہ دی ہے۔ ان کا کہنا ہے کہ شینزن میں ہونے والی ملاقات اکیسویں صدی کے لیے عالمی اثر و رسوخ کے دائروں کی نئی تقسیم کا معاہدہ ثابت ہو سکتی ہے۔
واضح رہے کہ یہ خبر فی الحال صرف ایک امریکی جریدے کے دعوے پر مبنی ہے اور اس کی سرکاری طور پر تصدیق نہیں ہوئی۔ اس نوعیت کی اعلیٰ سطحی ملاقات کی صورت میں عالمی سفارت کاری اور سلامتی کے امور پر دور رس اثرات مرتب ہو سکتے ہیں۔
اب تک کی کہانی شی جن پنگ
- شانشی آتشزدگی: وزیراعظم شہباز شریف کا چینی صدر شی جن پنگ کو تعزیتی پیغام
- ٹرمپ کا ایران تنازع ختم کرنے کے لیے سفارتی کوششوں کا اعلان، شی جن پنگ اور پیوٹن سے ملاقات متوقع
