اسلام آباد میں 3 سالہ بچی سے زیادتی اور قتل، بہنوئی گرفتار

اسلام آباد کے علاقے جھنگی سیداں میں 3 سالہ بچی کے اغوا، زیادتی اور قتل کا افسوسناک واقعہ پیش آیا ہے۔ پولیس کے مطابق بچی کو 22 ستمبر کو اغوا کیا گیا تھا۔

پولیس کا کہنا ہے کہ تحقیقات کے دوران معلوم ہوا کہ اس واردات میں لڑکی کا اپنا بہنوئی ملوث ہے۔ پولیس نے ملزم کو گرفتار کرلیا ہے۔

پولیس کے مطابق ملزم نے بچی کو اغوا کرنے کے بعد اس سے زیادتی کی اور پھر اسے قتل کر کے اس کی لاش جنگل میں پھینک دی۔

پولیس کے افسران کا کہنا ہے کہ ملزم کی گرفتاری کے بعد اس کے خلاف مزید قانونی کارروائی جاری ہے۔