سونے اور چاندی کی عالمی و مقامی قیمتوں میں نمایاں کمی

بدھ کے روز عالمی بلین مارکیٹ میں سونے کی قیمت 18 ڈالر فی اونس کم ہو کر 4314 ڈالر فی اونس کی سطح پر پہنچ گئی۔

عالمی سطح پر سونے کی اس کمی کے اثرات پاکستان کی مقامی صرافہ مارکیٹ پر بھی پڑے، جہاں فی تولہ سونے کی قیمت 1800 روپے کم ہو کر 4 لاکھ 53 ہزار 936 روپے تک پہنچ گئی۔ اسی طرح 10 گرام سونے کی قیمت میں 1544 روپے کی کمی ریکارڈ کی گئی اور نئی قیمت 3 لاکھ 89 ہزار 176 روپے ہو گئی۔

چاندی کی قیمت میں بھی کمی دیکھی گئی۔ عالمی مارکیٹ میں کمی کے بعد فی اونس چاندی 65.30 ڈالر پر آ گئی۔

مقامی مارکیٹ میں چاندی کی فی تولہ قیمت 30 روپے کم ہو کر 7008 روپے، جبکہ 10 گرام قیمت 25 روپے کم ہو کر 6008 روپے کی سطح پر پہنچ گئی۔