آئی ٹی سی این ایشیا 2026 نمائش کامیابی سے مکمل
کراچی میں منعقدہ 28ویں آئی ٹی سی این ایشیا 2026 نمائش کامیابی کے ساتھ اختتام پذیر ہوئی، جس میں 550 ملین ڈالر سے زائد تجارت اور 75 سے زائد معاہدے طے پائے۔
26 ستمبر 2026, 4:03 صبح
کراچی میں منعقدہ 28ویں آئی ٹی سی این ایشیا 2026 نمائش کامیابی سے اختتام پذیر ہو گئی۔ اس تقریب میں اسپیشل انویسٹمنٹ فیسیلٹیشن کونسل (ایس آئی ایف سی) کی معاونت بھی شامل رہی۔
نمائش کے دوران پاکستان کے آئی ٹی شعبے میں سرمایہ کاری اور عالمی شراکت داری کے مواقع کو نمایاں طور پر اجاگر کیا گیا۔ اس موقع پر 75 سے زائد مفاہمتی یادداشتیں، معاہدے اور کاروباری ڈیلز طے پائے۔
منتظمین کے مطابق اس نمائش کے دوران 550 ملین ڈالر سے زائد کی کاروباری سرگرمیاں انجام پائیں۔
آئی ٹی سی این ایشیا کو پاکستان کے ٹیکنالوجی شعبے میں جدت اور سرمایہ کاری کے بڑھتے ہوئے رجحان کی علامت قرار دیا گیا۔ اس نمائش میں شرکت کرنے والوں نے پاکستان کے آئی ٹی شعبے کے مستقبل کے امکانات پر بھی روشنی ڈالی۔
